விடுகதைகள் - நிவேதா மோகன்

1. அடித்தால் விலகாது அணைத்தால் நிற்காது அது என்ன?

2. உணவை எடுத்தாலும் உண்ணமாட்டான் அவன் யார்?

3. கிளை இல்லாத மரம் வெட்ட வெட்ட வளரும் அது என்ன?

4. யாரும் விரும்பாத மீசைக்காரனுக்கு எங்கு சென்றாலும் அடி உதை அவன் யார்?

5. தலையைச் சீவினால் தாகம் தீர்ப்பான் அவன் யார்?

6. கையுண்டு காலில்லை, கழுத்து உண்டு தலை இல்லை, உடல் உண்டு உயிர் இல்லை அது என்ன?

7. பழகினால் மறக்காதவன் பயந்தோரை விடாதவன் அவன் யார்?

8. அண்ணனின் தயவால் ஆட்சி செய்து கொண்டிருக்கும் அழகான தம்பி அவன் யார்?

9. சிவப்புப் பெட்டிக்குள் சிறிய பெரிய செய்திகள் அது என்ன?

10. ஊரார் கண்ட கோலம் உடையவன் காணாத கோலம் அது என்ன?

11. பார்க்க அழகு பாம்புக்கு எதிரி அது என்ன?

12. உடன்வருவான் உதவிக்கு வரமாட்டான் அவன் யார்?

விடைகள்